Еднодневните пиленца пристигаат на фармата уште првиот ден по испилувањето во инкубаторската станица. Убаво исчистените и затоплени објекти (32 – 34 степени) се подготвуваат барем еден ден претходно за прием на 25.000 – 30.000 новородени „бебиња“. Околу малите пиленца се води 24-часовна грижа, со посебен фокус на планот за имунизација и создавање силен имунолошки систем. Во текот на одгледувањето, будно се следи нивната состојба и прираст. Наша филозофија е дека „Здраво јајце може да се произведе само од здрави кокошки“, Затоа сме силно посветени на имунизацијата и создавањето здрави кокошки кои ќе можат да произведуваат здрави јајца. Покрај здрави кокошки, за производство на ЗДРАВО ЈАЈЦЕ е потребна и здрава храна. Таа се произведува од внимателно одбрани компоненти кои ги задоволуваат критериумите за безбедност и квалитет. Храната за нашите кокошки се произведува во сопствениот погон, каде секојдневно се мелат и мешаат различни житарици. Горди сме што го имаме имплементирано ДУНАВ СОЈА Стандардот за производство на БЕЗ ГМО храна, што ни овозможува производство на јајца од кокошки хранети без генетски модифицирана храна.